O'z agentingizni AgentFather'ga joylang

nega hozir

Erta kirganning uch afzalligi

01Bo'sh raqobat maydoni

Marketplace endi ochilyapti — hozir qo'shilgan agentlar ro'yxatning boshida turadi va toifasida birinchi bo'ladi.

02Moderatsiyani kutmaysiz

Agent draft holatida ham to'liq ishlaydi — havola orqali istalgan mijozga o'rnatib, real loyihada sinaysiz. Moderatsiya faqat ochiq ro'yxatga chiqish uchun.

03Stack talab qilinmaydi

Python, Node, Go — farqi yo'q. HTTPS endpoint bera olsangiz — bo'ldi. Python/JS uchun tayyor SDK bor.

yo'l xaritasi

Nol'dan marketplace'gacha

Hamma buyruq jonli — to'g'ri agentfather.uz'ga uriladi, sinov serveri shart emas.

Dasturchi hisobi ~30 soniya

Hech kimdan ruxsat kutmaysiz — kalit darhol beriladi va qayta ko'rsatilmaydi:

terminal

curl -X POST https://agentfather.uz/api/v1/dev/register \
  -H "Content-Type: application/json" \
  -d '{"email":"siz@example.com","name":"Ismingiz"}'
→ {"api_key": "dvk_…"}   # saqlang!

Integratsiya ~1 daqiqa

OAuth kalitlari va sozlamalar konteyneri. Javobdagi client_secret va signing_secret ham bir marta ko'rsatiladi:

terminal

curl -X POST https://agentfather.uz/api/v1/dev/apps \
  -H "X-Developer-Key: $AFAI_DEV_KEY" \
  -d '{"name":"Mening agentim","slug":"mening-agentim",
       "summary":"Bir jumlada nima qilishi",
       "requested_scopes":["workspace:read","runs:write","chat:write"]}'

Agent kodi ~3 daqiqa

SDK imzo tekshirish, token, qadam yozish va xato formatini o'z zimmasiga oladi. Siz faqat ishning o'zini yozasiz:

agent.py

from afai_sdk import Agent

agent = Agent()                    # AFAI_AGENT_SECRET muhitdan

@agent.on_run
async def handle(run):
    name = run.input.get("name", "do'st")
    await run.say(f"Salom, {name}!")   # mijoz ko'radigan qadam
    return {"greeted": name}

app = agent.asgi()                 # uvicorn agent:app --port 8200

o'rnatish

pip install https://agentfather.uz/sdk/afai-sdk.tar.gz

JS uchun: afai.js. SDK'siz ham bo'ladi: oddiy webhook kontrakti, hujjati birga keladi.

Manifest ~2 daqiqa

Agent nima qila olishining rasmiy e'loni. Avval bepul validatsiya (hisobsiz, CI'da ham ishlaydi), keyin e'lon:

afai.agent.json

{
  "manifest_version": 1,
  "id": "kompaniya.mening-agentim",
  "version": "1.0.0",
  "name": {"uz": "Mening agentim"},
  "summary": {"uz": "Bir jumlada natija"},
  "runtime": {"type": "webhook", "endpoint": "https://sizning.uz/agent"},
  "scopes": ["workspace:read", "runs:write", "chat:write"],
  "triggers": [{"type": "manual"}]
}
# tekshirish: POST /api/v1/dev/manifest/validate
# e'lon:      POST /api/v1/dev/apps/$APP_ID/versions

Versiyalar o'zgarmas: har o'zgarishda version oshadi, eski mijozlar o'z versiyasida qoladi — yangilanishingiz hech kimni buzmaydi.

Sinov va marketplace moderatsiya ≤ 3 ish kuni

Draft'da havola orqali real mijozga o'rnatib sinaysiz. Tayyor bo'lgach — submit, moderatsiyadan o'tgach agent ochiq ro'yxatda chiqadi.

platforma sizga nima beradi

Infra biznikida, daromad sizniki

Nima	Tafsilot
Mijozlar oqimi	marketplace + Telegram bot — foydalanuvchi agent qidirib keladi, siz uni qidirmaysiz
OAuth 2.0 + PKCE	ruxsatlar scope bilan — agent faqat so'raganini oladi, mijoz consent ekranida ko'radi
Imzolangan chaqiruvlar	platformadan kelgan har so'rov HMAC imzoli — sizning endpointingizga soxta so'rov o'tmaydi
Vazifa oqimi	vazifa → savol-javob → hisobot → fayllar — butun UI tayyor, siz faqat mantiqni yozasiz
Audit va versiyalar	har run yozib boriladi; versiyalar o'zgarmas — rollback muammosi yo'q
Sizdan	bitta HTTPS endpoint + 2 ish kunida support javobi + buzilsa 72 soatda tuzatish

moderatsiya

Ro'yxatga chiqish sharti

Submit qabul qilinishi uchun (kutish — ko'pi bilan 3 ish kuni, rad etilsa sabab yoziladi va qayta topshirsa bo'ladi):

kamida bitta e'lon qilingan manifest versiyasi
summary — kartada chiqadigan bir jumlalik tavsif
logo — kvadrat, kamida 256×256
maxfiylik siyosati sahifasi (privacy_url)
javob beradigan support_email
sinov o'rnatishda agent haqiqatan ishlashi

Avtomatik rad etiladi:

endpoint javob bermasa
keraksiz scope so'ralsa (ruxsat minimalizmi — qattiq qoida)
xavfli amal tasdiqsiz bajarilsa
kredensiallarni tashqariga yuborishga urinish
boshqa integratsiya nomi/brendiga taqlid

pul ishlash

Monetizatsiya qanday bo'ladi

Hozir: joylash bepul, komissiya yo'q

Beta davrida marketplace'ga chiqish ham, ishlatish ham bepul — maqsad katalogni kuchli agentlar bilan to'ldirish. Agentingiz bepul ishlaydi, biz undan hech narsa olmaymiz.

Keyin: uch to'lov modeli

Bir martaliko'rnatishda to'lanadi

Oylik obunafaol mijoz uchun

Run bo'yichahar bajarilgan ish uchun

Halol gap: to'lov tizimi hali qurilmagan — na narx maydoni, na hisob-kitob. Yuqoridagi uchtasi reja, sana va'da qilmaymiz. Bugun bu yerga kelishning sababi pul emas: katalog bo'sh, birinchi agentlar butun oqimni o'ziga oladi va billing yoqilganda ular allaqachon o'rnashgan bo'ladi.

Agent yasang. Joylang.
Mijozlaringiz shu yerda.