quickstart manifest errors webhooks api marketplace agents surfaces

Marketplace — e'lon qilish va moderatsiya

Integratsiya uch holatda bo'ladi:


draft ──submit──▶ in_review ──tasdiq──▶ published
  ▲                   │                     │
  └──── rad etish ─────┘         suspended ◀─┘  (qoida buzilsa)

draft holatida ham to'liq ishlaydi — havola orqali istalgan mijozga o'rnatsa bo'ladi. Moderatsiya faqat marketplace ro'yxatiga chiqish uchun. Bu ataylab: dasturchi kutib o'tirmasin, mahsulotni real mijoz bilan sinasin.

1. Chiqish talablari

POST /api/v1/dev/apps/{id}/submit quyidagilarsiz qabul qilmaydi:

[ ] Kamida bitta e'lon qilingan manifest versiyasi

[ ] summary — bir jumlalik tavsif (kartada chiqadi)

[ ] logo_url — kvadrat, kamida 256×256, PNG/JPG/SVG

[ ] privacy_url — maxfiylik siyosati

[ ] support_email — javob beradigan manzil

2. Moderatsiya nimaga qaraydi

Mezon	Nima tekshiriladi
Scope minimalizmi	So'ralgan har bir ruxsat haqiqatan kerakmi. Keraksizi bo'lsa rad etiladi
Tavsif haqiqiyligi	Agent yozilganidan boshqa ish qilmaydimi
Ishlashi	Sinov o'rnatish → manual trigger → natija keladimi
Xatolar	Xato holatida tushunarli xabar qaytadimi (traceback emas)
Xavfli tool'lar	`dangerous` amallar tasdiq so'raydimi
Maxfiylik	Qanday ma'lumot yig'ilishi va qayerga ketishi yozilganmi
Brend	Boshqa kompaniya nomi/logotipi ruxsatsiz ishlatilmaganmi
Surface	Sahifa AFAI ichida buzilmay ochiladimi, mavzuga moslashadimi

Muddat: 3 ish kunigacha. Rad etilsa sabab review_note da keladi va tuzatib qayta yuborsa bo'ladi.

3. Avtomatik rad etish sabablari

Manifest validatsiyadan o'tmasa.

runtime.endpoint javob bermasa.

risk: dangerous + confirm: never (manifest darajasida taqiqlangan).

Kredensiallarni AFAI'dan tashqariga yuborishga urinish.

Boshqa integratsiyaning nomi/slug'iga taqlid qilish.

4. Kartani yaxshi yozish

Yomon: «AI-powered automation platform for enterprise workflows»

Yaxshi: «Telegram guruhidagi buyurtmalarni avtomatik hisob-fakturaga aylantiradi»

Qoida: mijoz kartani o'qib nima o'zgarishini tushunsin. Uch savolga javob bering — kim uchun, nima qiladi, qanday natija.

5. Nashrdan keyin

Amal	Ta'siri
Yangi versiya e'lon qilish	Yangi mijozlar yangisini oladi; eskilari o'z versiyasida qoladi
Yangi scope qo'shish	Mijoz qo'shimcha consent ekranini ko'radi
`client_secret` rotate	Barcha access tokenlar bir zumda o'ladi
Integratsiyani o'chirish	Mijozlarga 30 kun oldin xabar berish shart

6. To'xtatish (`suspended`)

Platforma quyidagi holatlarda integratsiyani to'xtatadi:

xavfsizlik hodisasi (sir sizib chiqishi, ruxsatdan chetga chiqish);

mijozlardan ko'p shikoyat;

uzoq muddat ishlamay qolgan endpoint;

moderatsiyada aytilgan narsadan boshqa ish qilish.

To'xtatilganda barcha tokenlar ishlamay qoladi va sabab suspended_reason da yoziladi. Tiklash uchun — Developer Portal → agent → moderator bo'limi (GET|POST /api/v1/dev/apps/{id}/messages). Yozishma agentga bog'langan, shuning uchun qaror ham, sabab ham bir joyda qoladi.

7. Reyting va otzivlar

Baho faqat mijozdan keladi va uni dasturchi o'zgartira olmaydi:

otziv qoldirish uchun agentni o'rnatgan bo'lish shart (installation bor);

bitta tashkilot — bitta otziv, qayta yuborsa tahrirlanadi;

mijoz fikrini o'zgartirsa, dasturchining eski javobi avtomatik o'chadi —

u endi boshqa gapga javob bo'lib qolmasin;

dasturchi javob yozsa, mijozga bildirishnoma boradi;

moderator haqoratni yashiradi (o'chirmaydi) — yashirilgani o'rtacha

bahodan ham chiqadi, qaror qaytarilsa qaytib qo'shiladi.

Portal: «Otzivlar» bo'limi sukut bo'yicha javob kutayotganlarini ko'rsatadi.

8. Monetizatsiya

Hozircha marketplace bepul: joylash ham, ishlatish ham. To'lov tizimi qurilmagan — na narx maydoni, na hisob-kitob, manifestda pricing degan maydon ham yo'q (validator uni oddiygina e'tiborsiz qoldiradi). Rejadagi modellar: bir martalik, oylik obuna, ish (run) bo'yicha. Sana va'da qilinmaydi.

9. Qo'llab-quvvatlash majburiyati

E'lon qilingan integratsiya uchun:

mijoz otzivlariga 2 ish kuni ichida javob (Portal → Otzivlar);

buzilib qolganda 72 soat ichida tuzatish yoki mijozlarga xabar;

API o'zgarishlari haqida ogohlantirish.

Bajarilmasa integratsiya ro'yxatdan tushiriladi.